بعض القرارات الجديد للتعليم وقرارات وزير التربية والتعليم ووزير التعليم العالي باستئناف الامتحانات هنعمل ايه !!!!
هنذاكر لأولادنا ازاي وايه هو نظام الامتحان الجديد
كل الناس دلوقتي بتفكر هنذاكر ازاي لولاده وهنتابعهم ازاي في ظل المعاناة الكبيرة اللي الاهالي بتتعرضلها من نظام الامتحان الجديد والقرارا ت الجديدة اللي كل شوية الحكومة تتخذها وبالاخص وزارة التربية والتعليم ووزارة التعليم العالي .
طيب احنا نعمل ايه قبل مانسأل السؤال ده تعالو نفكر ازاي نطلع من احساس الخمول واللامبالاة اللي الطلبة والتلاميذ سواء في المرحلة التعليمية أو المرحلة الجامعية اتخذوها من خلاال القرارات اللي كل شوية تطلع وتتغير وان المسؤولين مش حاسين بيها أو مش واخدين بالهم منها انك تدخل الطالب في جو المسؤلية والمذاكرة وفجأة تطلعوا منو وفجأة تاني ترجعوا فيهم ....... نفسي أعرف ازاي الطالب هيبقى عندوا القدرة أنوا يرجع تاني ويركز تاني في المذاكرة لو عاوز تعرف هنعرف مع بعض يالا بينا
مراحل أرجاع التركيز لدى الطلبة والتلاميذ في كلتا المرحلتين التعليمية والجامعية :
-
- لازم نحسس الطلبة والتلاميذ أو بالمسمى الأفضل ولادنا إن يفصلوا بين المرحلة اللي فاتت والمرحلة اللي جاية وبالتحديد نطلعوا من شعور انو فاضي وفي اجازة وندخلوا في شعور أنوا يبدا مرحلة جديدة هو المؤدي الوحيد فيها مش القرارات اللي الحكومة خادتها هيا اللي تحددلوا مصيروا .
- لازم نحسس ولادنا أن التعليم جزء من حياتهم مش مجرد وقت بنضيعوا وبعدين نروح نحضر يوم نمتحن فيه وخلاص اللي هيا سؤال ) إنت بتتعلم ليه ؟ أنت عاوز تبقى ايه ؟ .
- لازم نصحى في ولادنا ازاي يحبوا التعليم بلاش ضغظ بلاش شخط وزعيق على الفاضي وهو ابنك ولا بنتك في موقف لا يحسد عليه ماتحولش تضغط عليه وانت السبب في اللي هوه فيه !!!!!.
- هتقولي ازاي انا السبب هقولك انت تقريبا 80 % منكم وقت الاجازة وانت عارف ان التعليم هيرجع تاني احسب ابنك أو بنتك مسك التليفون كام مرة وقعد معاك كام مرة وانت كنت بترتاح لما بيكون هو بعيد عنك وماسك تليفون بيضيع وقته فيه ازاي انت اب أو ام قعدت مع ابنك كام مرة في الاجازة ......... ياريت تسال أو تسالي نفسك الكام سؤال دول ؟ وقتها هتلاقي الحل !!!!
- ياريت حطي أو تحط نفسك مكان ابنك علشان تعرف تحس بيه وتحاول تنظملوا حياتوا مع المذاكرة وان هيتعرض لامتحانات أول مرة أنت كأب أو أم شوفتها قبل كدة . حس بكم الجهد اللي هيكون مبذول من ناحية ابنك أو بنتك .
- حاول تبعد ابنك وبنتك عن اي حاجة ممكن تسحب تركيزة وانت كمان اوعى اوعى دابما خاليه هوه رقم واحد في حياتك علشان تنمي عنده احساس المسؤولية والاهتمام بالحاجة اللي بيعملها .
طيب بعد ما نرجعلهم الاهتمام بالمذاكرة هنذاكر ازاي ؟
أول حاجة قبل ما نذاكر معاهم لازم تعرفوا ان ده مش هيعطلك عن اي حاجة لان ده واجب عليك أو عليكي ولازم تعكسلهم الشعور ده علشان يبقة عندهم قابلية للمذاكرة لازم انت أو انتي الاول يكون عندك قابلية انك تذاكرلهم .ده بالنسبة للطلاب التعليم العادي مش الجامعي .
لازم نحسس الطالب ان الموضوع سهل ومانضخمش الموضوع علشان ده بيتعكس على الطالب وابنك وبنتك وهقول تاني لازم تكون وتكوني فاضية وقاعدة جانبة علشان تخليك رقم واحد الفترة دي .
لازم نحسس ابننا وبنتنا ان النظام اهم شيء لازم حتى واحنا بذاكر لهم ننظملهم المذاكرة علشان النظام بيسهل حاجات كتير اوي اوي اوي لازم ناخد بالنا من نقطة النظام دي لانها مهمة .
لازم نضيف كلمات جمالية في كل نقطة احنا بنذاكرلهم فيها علشان يبقى عندهم نوع من الكلمات المفتاحيى للمعلومة .
لازم بعد كل جزء نعملهم امتحان مكوم من اساله سريعة ممكن نستعيم بيها من النماذج اللي موجوده من النت أو من خلال الكتب الخارجية والمدرسية وغيرها .
لازم مهما حصل ركز أو ركزي تقيمك لابنك أو بنتك يكون عالي دائما حتى لو مجاوب غلط نحاول نفهموا الصح بضحك وهزار لان كان الله في عونهم .
لازم تديلوا راحة ومكافآت معنية هوه بينبسط بيها ماعدااااااااااااا التليفون والقاعدة على التلفزيون كتيير دايما لازم نخلي تركزهم يفضل معانا في المراجعة والمذاكرة .
طيب المراحل الجامعية هتذاكر أزاي ؟
للأسف مع اختلاف العديد من انظمة الامتحانات حاول وحاولي تركزي على المادة والفهم مش الحفظ وابعد عن سؤال هو الامتحان هيجيي ازاي وركزوا بس في المذاكرة كل دكتور اكيد كديكوا منهج محدد واكيد في دكاترة محددين المنهج كلوا واكيد في دكاترة متعاطفه معاكو وفي أكيد العكس طب احنا نعمل ايه .....
لازم تعرف ان الاربع سنين بتوع الكلية هما دول مستقبلك كلوا ده بالنسبة للناس اللي عارف قيمة العلم والمعلومة لكن اللي مقضيها ومش فارق معاه هو حر كده أو كده انت مش فارق معاك هتنجح أو لا مع ان في ناس كتير وطلبة كتيير ممكن تعمل حاجه كتيير في الأربع سنين دول يحددوا أشياء كثيرة في حياتهم .
لازم تعرف وتعرفي أن الكلية هي عبارة عن بوابة كبيرة مكتوب وراها مستقبلي وانا يأما اخليه مستقبل كويس أو مستقبل مش كويس وانا اللي صاحب العربية وانا اللي بسوق وعارف هودي نفسي فين وهروح فين .
لازم تعرف انك المسؤول الاول والاخير امام نفسك في تحديد مستقبلك مش اي حد يعني ذاكر واعمل الي عليك وعليكي ربنا مش هيضيع مجهودك ان شا ء الله .
لازم تطلع نفسك من منطقة أن مش هشتغل بشهادتي وان كده كده مش هتنفني بحاجة انت ما دخلتش في علم الغيب واكيد أنت عارف ربنا قال " إن الله لايضيع اجر من أحسن عملا " .
يارب تكونوا واثقين في نفسكوا واعرفوا ان انتم بتحددوا مصيركوا بنفسكوا مش اي حد تاني ومش اي قرارات هي اللي هتحدد مصيرنا ربنا معاكو وينجحكوا كلكوا